Արմատուրա բարձր ամրության պողպատե ձող է, որը կիրառվում է երկաթբետոնե կոնստրուկցիաներում ՝ դրանց մեխանիկական հատկությունները բարելավելու համար։ Բետոնն առանձնանում է բարձր սեղման դիմադրությամբ, սակայն դրա ձգման դիմադրությունը խիստ սահմանափակ է։ Արմատուրաների կիրառումը թույլ է տալիս բարձրացնել կառուցվածքի ընդհանուր ձգման դիմադրությունը՝ ապահովելով մեխանիկական ծանրաբեռնվածության հավասարաչափ բաշխում։

Արմատուրաների մակերեսի ակոսավոր կառուցվածքը նպաստում է դրանց կապակցմանը բետոնի հետ, ինչը թույլ է տալիս առավել արդյունավետ կերպով փոխանցել կպչուն և կպչողական ուժերը պողպատից դեպի բետոն։ Դրա շնորհիվ, կոնստրուկցիայի երկարակեցությունն ու սեյսմակայունությունը զգալիորեն բարձրանում են։

Քարակերտ Սթիլ մետաղագործական ձեռնարկությունը արտադրում է բարձրորակ արդյունաբերական և շինարարական արմատուրաներ՝ համապատասխան GOST 5254, ASTM A615, DIN 488, ISO 6935, EN 10086 և այլ միջազգային ստանդարտների պահանջներին։ Արտադրանքը ներկայացված է 10-32 մմ տրամագծով ակոսավոր արմատուրաների տեսքով, որոնք մատակարարվում են ինչպես ներքին, այնպես էլ արտաքին շուկաներ։